Kozi ya Tafsiri ya Qur'ani Mtandaoni kwa Mwezi wa Ramadhani ncini Pakistan

IQNA – Kozi ya mtandaoni kuhusu tafsiri ya Qur'ani Tukufu na mada za kidini itafanyika Pakistan wakati wa mwezi mtukufu wa Ramadhani.

Ofisi ya mwakilishi wa Idara ya Mfawidhi wa Haram tukufu ya Hadhrat Abbas (AS) nchini Pakstan itaratibu kozi hiyo, al-Kafeel ameripoti. Sheikh Nassir Abbas Najafi, mkuu wa ofisi hiyo, alisema imeandaa mipango maalum ya kitamaduni na kidini kwa mwezi wa Ramadhani.

Moja ya mipango hiyo ni kozi ya mtandaoni "Dhayf al-Rahman", ambayo itafanyika kupitia jukwaa la Zoom, alisema.

Kozi hiyo itaendeshwa kwa siku 30 na inalenga kutoa masomo ya kina ya kidini, ikijumuisha tafsiri ya Qur'ani, fiqhi ya Kiislamu, maadili, na Seerah ya Mtume Mtukufu (SAW), kwa kushirikiana na kundi la wasomi maalum, alibainisha.

Mpango mwingine ni kufanya mkutano wa kielimu unaoitwa 'Urithi wa Najaf' ili kuchunguza urithi wa kielimu wa mji wa Najaf, alisema.

Aidha, wanazuoni 25 kutoka Chuo cha Kiislamu cha Najaf watatumwa katika maeneo mbalimbali ya Pakistan kuendesha vikao vya kidini, kufundisha sheria za Kiislamu, kujibu maswali ya fiqhi na theolojia, na kutekeleza mradi wa 'Itikafu ya Ramadhani', kulingana na Sheikh Najafi.

Mradi huo unajumuisha kuandaa mikusanyiko ya kidini, vikao vya tafsiri ya Qur'ani, na kutoa masomo ya fiqhi kwa wale wanaoshiriki Itikafu, aliendelea kusema.

Mipango hii ni sehemu ya juhudi za Astan kueneza mafundisho ya Ahl-ul-Bayt (AS) na kutoa huduma za kidini na kitamaduni kwa jamii duniani kote, alihitimisha.

3492072